الشرق الاوسط

[JDMluv]

اتوقع سبارو بتنزل تيربو

او على الاقل تي ار دي بتنزل لهة سوبر

نتمنى!

[rshood]

والله كلنا نتمنا بس عندنا ف الخليج محد يعرف لهم عندل لان المكاين غير ونضام الفيول غير
والحراره اهم شي لاتنسا
ننطر عشرين يوم ونجوف اخرتها لحد الحين وصلت حق سعرها ببيع موتري بعد شهر وبرحع الدوحه اجازه وبطلب الموتر من سايون عندنا في امريكا مع التي ار دي
لو نزلو سوبر ولا تيربو بعد ست شهور بركبه ف الوكاله مع الضمان

[EJ20]

ياشباب انتوا ماتقرون المواضيع المثبته في الموقع؟؟؟؟
الموتر مب نازل تيربو انسوا خلاص! سوبارو ولا تويوتا ولا سيون كلهم بدون تيربو

وعلى طاري انكم بتركبون سوبر ولا تيربو حدكم بوست ٥ اكثر بتكون في مرحة الخطر لانه كومبرشن الوكاله بيكون ١٢.٥:١ وهذا كمبريشن عالي حق شغل مكائن بس
اما للي بيضبط تيربو لازم ينزل الكومبريشن اقل من ١٠:١


وعلى طاري التيربو في جونا ترى عادي جداً حتى في الصيف والامبريزا من تجربه استخدام يومي حتى في عز الظهر حرارة الجو ٥٠ والموتر مرتاح والمكيف بارد
من اللي يقول المواتر التيربو ماتنفع في الخليج؟ يبه احنه في ٢٠١١ مب ١٩٨٠

[JDMluv]

الله يستر

انا ناطر هل موتر ينزل.. اذا ماعجبني شكلي بروح حق الزد اليديد

في البحرين لا عندنة حلبات ولا درفت ولا شي ماعندنة غير اشارة خضرة ولي اسرع

[EJ20]

ههههه دور وبتلاقي في البحرين خصوصا هالشارع عندكم معروف في البحرين وهذي فيديو لصلاح يدرفت في موتري سابقا

ادخل على توقيعي تحت وشوف صور موتري سابقا والله متحسف مليون أني بعته بس كان عندي مشروع زواج
الموتر يوم بعته كان فيه تقريبا ٢٢٠ حصان

[adprokid]

.انا خوفي من السعر، اذا التيوتا زييلاس الخايسه سعرها ٩٥ الف درهم

[EJ20]

الزيلاس حليوه بس تويوتا اخطات بالسعر وايضا مانزلوا منها جير عادي
الزيلاس ناس وايد في امريكيا طلعوا منها 300 حصان فالتاير بس على بوست 10

تخيل 300 حصان فالتاير يعني مستواها تقريبا كورفيت سي 6 الجديد

لو سعرها عندنا نفس اسعار امريكيا (70 الف ريال) كان ممكن تنجح عندنا بس تدري الوكالات عندنا جشع في جشع

بالنسبه للـ جي تي 86 / بي ار زي اتوقع اسعارها بتكون مابين 90 الستاندر الى 120 الف للفل

[adprokid]

ماتوقع تكون بتسعين الف ريال...الوكالات عندنا ماترحم في الاسعار، بس اتمنى يكون كلامك صحيح، من كم يوم مريت
عالوكالة وكلمت مسؤول المبيعات عن ال٨٦ وقالي ان الشي الوحيد اللي يعرفه عن السياره انها بتنزل شهر٤ وعن السعر والمواصفات ماعنده اي فكره...... اتمنى لوتنزل رنقات ستيل وبمبرات سود بدون صبغ نفس الترينوالقديمه حلوه وخفيفه ....مافي الا نتريا ونشوف.....

وعن الزيلاس لو كانت ب٧٠ الف نفس سعر امريكا بنقول معقوله سبورت ودفع امامي يعني هاذا سعرها
الواحد يقدر يهضمها شويه

انته مامريت عالوكاله او سألت عن ال86 ؟

[EJ20]

مريت وكالة سوبارو لاني ابي البي ار زي
وقالوا لي بتطلع شحنه في شهر 4 والبيع في قطر في اوائل شهر 6 والسعر ماتحدد للحين بس الموظف قالي بتكون اغلى بشيء بسيط عن اسعارها في امريكيا

سعرها في امريكا بيكون حول 90 الف ريال يعني قول عندنا اذا الوكيل جشع بزياده بتطلع ب 110 او 115
انا حاط في بالي اذا اكثر من 120 الف بكنسل الموضوع وبشوف لي موتر ثاني واغلب الظن اس تي اي 2007 او 2006 لانه اسعارهم اللحين حول 70 الف وتيربو لاتنسى

بس اللي مصبرني اني ابي موتر سبورت وكاله مش مستخدم

[adprokid]

احلى شي يوم تاخذها يديدة، تكون ظامن حالتها، عكس المستعمل يوم تشتريها تكون متوتر نفسيا وماتعرف لو ملعوب فيها ولا مدعومه، الا لو عند واحد تعرفه وتعرف استخدامه،..... الحين انا صابر واتريا بس خوفي يسوون نفس حركة ال "دبيو ار اكس ٢٠٠٨" عقبها بسنه زادو القوة وبعدها بسنة نفخو البدي

[EJ20]

شوف ... البدي مستحيل يتغير خلال الـ 6 سنوات الجايه لاتنسى انه تويوتا داخله في الموضوع وعندهم سياسه انه البدي مايتغير الا بعد 6 او 8 سنوات
بس بالنسبه للمحرك في احتمال كبير انها تجي بـ 250 حصان او اكثر في موديلات 2014

[ROJ]

Hello,

I have been following this forum for a year now and have been sharing information about the 86 from this site.

I am running a fan page and a community for Toyota 86/ Subaru BRZ/ Scion FRS, along with the classic AE86, fans & enthusiasts in the UAE & Middle East..

We are all looking forward for this car & I hope the fact it comes with direct injection will not mean we wont see it in places where the fuel quality is not that good..

I welcome any members to join my community & I thank ft86club for keeping us all updated about the new 86, credit goes to you about some of the vital information provided about this car.

Cheers,
ROJ
Admin of www.86cult.com

*I hope there is no problem if I post a link to my forums here?

[DSV-UltraGL]

Sallam!

wooot! glad somebody overhere waiting for the GT86 too!
any news about the 86 in the GCC (Bahrain..Kanoo?), not exactly a fan of the BRZ front :p

[EJ20]

اللي اعرفه انه النسختيين راح يتوفرون في الخليج اللي هي نسخة تويوتا وايضا نسخة سوبارو